IOEको दोश्रो भर्ना कार्यक्रम पश्चात: सरकारीमा २२.१२ % र निजीमा ६८.३२% सिट हरु रिक्त

यस्तो हुनुको प्रमुख कारण बिधार्थीहरुले एक वा सो भन्दा बढी कलेजमा फारम भरेको र भर्नाको लागि मेरिट अनुसार एकैचोटी दुई वा सो भन्दा बढी कलेजमा नाम निस्किएको हुदा र बिधार्थिले एकपटकमा केवल एक क्याम्पसमा मात्र भर्ना हुन पाउने नियम रहेको हुँदा सिट धेरै रिक्त हुने अवस्था देखिएको हो ।

ईअसले लिएको प्रवेश परिक्षाको १ गते प्रकाशित नतिजामा उर्तिण संगसंगै कक्षा १०+२ को हरेक बिषयमा न्युनतम “C” ग्रेड भएका बिधार्थीहरु मात्र भर्ना हुन पाइने नियम छ ।

यहाँ क्लिक गरेर ईअस प्रवेश परिक्षाको नतिजा हेर्नुहोस

सो नतिजा अनुसार अहिले त्रिवि अन्र्तगतका ४ सरकारी कलेज तथा १० वटा निजि कलेजहरुमा जम्मा ४१७६ सिटमा भर्नाका लागि आवदेन दिने झण्डै ६ हजार बिद्यार्थीहरु प्रयासरत रहेका छन् । एकीकृत भर्ना प्रणाली अनुसार बिधार्थीले दिएका आवेदनहरु केन्द्रीय पोर्टलमा प्रकाशित हुनेहुदा भर्ना हुने प्रक्रिया निश्चित नियम अनुसार नै हुने देखिन्छ । त्यसैले अहिले पढ्न चाहने बिद्यार्थी वा पढाउने कलेजले आफुले चाँहदैमा मात्र पढ्न पाईने अवस्था छैन । बिगतमा जेहन्दार बिद्यार्थीहरुले समेत रोजेको कलेजमा रोजेको बिषय पढ्न नपाएको गुनासो र कलेजहरुले प्रवेश परिक्षामा प्राप्त अंकहरुको आधारमा भन्दा पनि बढि पैसा र “भनसुन”को आधारमा भर्ना लिने अवस्था देखिएपछी ईअसले एकिकृत भर्ना प्रणालीको शुरुवात गरेको हो ।

एकीकृत भर्ना प्रणाली अनुसार (www.admission.ioe.edu.np), IOE का कुन कुन क्याम्पसहरुमा कति विद्यार्थी भर्ना भए वा कति सिट रिक्त छन् भन्ने जानकारी एक क्लिकमा हेर्न मिल्ने सुबिधा राखिएको छ ।
प्रथम लिस्ट पश्चात करिब करिब ६२% सिटहरु रिक्त हुन गएको थियो भने दोश्रो लिस्ट पश्चात अब करिब ४८% सिटहरु रिक्त देखिएका छन् ।

कहाँ, के कति भए भर्ना ?
भाद्र १३ गते, १०:०० बजे सम्म ई.अ.स.को पोर्टलमा प्रकाशित जानकारी अनुसार , सरकारी क्याम्पसहरु मा करिब २२.१२ % सिट रिक्त छन् भने निजी क्याम्पसहरु तर्फ ६८.३२% सिट हरु रिक्त देखिएका छन् ।
तथ्याङ्क अनुसार, बिद्यार्थीको पहिलो रोजाई केन्द्रिय क्याम्पस पुल्चोक रहेको देखिन्छ, जहाँ ५२८ मध्ये ४९५ जना भर्ना भैसकेका छन् र जम्मा ६.२५% सिट मात्र खालि छन् ।
प्रथम, दोश्रो र तेश्रो भर्ना कार्यक्रम पश्चात मात्र एक खालको अवस्था ब्याख्या गर्ने अवस्था बन्न सक्छ । प्रथम र दोश्रो चरणको भर्ना कार्यक्रम पश्चात पनि किन यतिका सिटहरु रिक्त गएको भन्ने आशंका धेरैमा लाग्न सक्छ । यसो हुनुको प्रमुख कारण भनेको बिधार्थीहरुले एक वा सो भन्दा बढी कलेजमा फारम भरेको र भर्नाको लागि मेरिट अनुसार एकैचोटी दुई वा सो भन्दा बढी कलेजमा नाम निस्किएको हुदा र बिधार्थिले एकपटकमा केवल एक क्याम्पसमा मात्र भर्ना हुन पाउने नियम रहेको हुँदा यस्तो अवस्था देखिएको हो ।

Source: https://admission.ioe.edu.np/Report/CollegeSeatInfo

यसै बीच, तेस्रो भर्ना कार्यक्रमको लागि राखिएको प्रावधान अनुसार आवेदन पुन: दिन सकिनेछ ।

कान्तिपुर दैनिकमा भाद्र २३ प्रकाशित सूचना