Engineeer Khabar

ने.ई.ए ले निकाल्यो दुर्घटना बीमाको म्याद थप तथा सी.यु.जी आबद्धता सम्बन्धी सूचना

नेपाल इन्जिनियर्स एशोसिएसनले (नेइए) गत असार मसान्तसम्म नयाँ दर्ता वा नवीकरण गरेका सदस्यहरुलाई बीमा कार्यक्रममा सहभागि बनाएको थियो । इन्जिनियरहरुको मागलाई आत्मसात गर्दै ने.ई.ए ले उक्त सूचनालाई थप एक महिना समय अर्थात श्रावण मसान्त सम्म सोहि व्यवस्था हुने गरि थप गरेको छ ।

एशोसिएसनले मंगलबार एउटा सूचना जारी गर्दै श्रावण मसान्तभित्र यस अघि कुनै कारणबस सहभागी हुन नसकेकाहरुलाई नयाँ सदस्यता लिइसक्न वा सदस्यता लिइसकेकालाई नविकरण गर्न आग्रह गरेको छ ।

५७ औ इन्जिनियर दिवसको समारोहमा आयोजित कार्यक्रममा एशोसिएसनले करिब १२ हजार एक सय  इन्जिनियरहरुको दश लाख बराबरको दुर्घटना बीमा सम्पन्न भएको जानकारी गराएको थियो । बीमांक स्वरूप करिब दश लाख बराबरको दुर्घटना बीमा गराउने कार्यक्रम  यहि श्रावण १ गते देखि लागू भैसकेको छ ।

उक्त ऐतिहासिक बीमा कार्यक्रममा सहभागी हुनको लागि कुनै अतिरिक्त शुल्क नलाग्ने तर एशोसिएसनमा नवीकरण भएको वा नयाँ सदस्यले नयाँ सदस्यता लिएको हुनु पर्ने उल्लेख छ  । एशोसिएसनमा नयाँ सदस्यता लिनका लागि ने.रु.७५०, नविकरणका लागि ने.रु. ५०० र आजिवन सदस्यताका लागि ने.रु.५५००  शुल्क लाग्ने ब्यवस्था छ ।

नयाँ सदस्यता, आजिवन सदस्यता वा नविकरण गर्नको लागि नेइएको केन्द्रीय कार्यालय, पुल्चोक, ललितपुर तथा सम्बन्धित प्रदेश केन्द्रबाट एशोसिएसनको वेबसाइटबाट अनलाइन पेमेन्ट गर्न सकिने व्यवस्था गरिएको छ ।

आजिवन सदस्यता वा नविकरण गर्नको लागि पुराना सदस्यहरुले आफ्नो ड्यासबोर्ड खोल्नको http://neanepal.org.np/member/login मार्फत लागिन गर्न सकिनेछ भने नयाँ सदस्यता लिनको लागि http://neanepal.org.np/member/new/register  मार्फत दर्ता गर्न सकिनेछ ।

शुरु भयो CUG सेवा 

CUG (करपोरेट उजर ग्रुप) सेवा अन्तर्गत एकै CUG ग्रुपमा रहेका मोबाइल नम्बरहरु बीच असिमित फोन कल गर्न सकिनेछ । अर्थात इन्जिनियर्स एशोसिएसनको रेकर्डमा रहेको नेपाल टेलिकमको मोबाइल नम्बरहरु बीच कल गर्न वा अन्य सेवा सुबिधा प्रयोग गर्न धेरै नै सहज, किफायती हुनेछ ।

एन.टि.सीको CUG सेवा सम्बन्धि थप जानकारीका लागि यहाँ जानुहोस

 

Leave A Reply

Your email address will not be published.