Engineeer Khabar

नेपाल इन्जिनियर्स एशोसिएसन बागमती प्रदेशद्वारा पाँच दिने अनलाइन प्रशिक्षण तालिम सम्पन्न 

जेष्ठ १६, काठमान्डौ : नेपाल इन्जिनियर्स एशोसिएसन बागमती प्रदेशले एनसेट नेपालको प्राविधिक सहयोगमा पाँच दिने अन्लाइन ट्रेनिङ फर फ्रेश इन्जिनियर्स, शुक्रबार सम्पन्न गरेको छ । भुकम्प प्रतिरोधात्माक डिजाइन तथा भवन निर्माण सम्बन्धी प्रशिक्षण तालिममा करीब ४६ जना इन्जिनियरहरुले सहभागीता जनाएका छन ।

प्रशिक्षण तालिममा करीब सात जना प्रशिक्षकले पाच दिनसम्म दुई-दुइ घण्टाको दरले, ओपेनिङ र क्लोजिङसहित १२ वटा शत्र सम्पन्न भएको छ । उक्त पाच दिने प्रशिक्षणका पाठ्यक्रम संयोजक ई. रविन चौलागाईंले अनलाइन मोडेलमा सम्पन्न गरिएको ट्रेनिङको अनुभव सुनाउनु भएको छ । कार्यक्रमको समापन समारोहमा बोल्दै ई. चौलागाईंले प्रशिक्षणमा सहभागीहरुको  सैद्धांतिक ज्ञान, सीप र मनोवृत्ति अभीवृद्धि भएको जानकारी दिनुभएको छ ।

सो प्रशिक्षणमा कुल ४४७ सन्ख्यामा अन्लाइन रेजिस्ट्रेसन भएको थियो र सो मध्ये बिशेषत फ्रेशर इन्जिनियर्सलाई लक्षित गर्दै ४७ जनालाई सहभागी गराईएको थियो । सो प्रशिक्षणमा सहभागी ई. सौरभ प्रसाइ तथा ई. रेशा बश्यालले उक्त प्रशिक्षण निकै नै फल्दायी रहेको र यस्ले आफुहरु फिल्डमा खटीदा निकै नै सहयोग पुर्याउने बताएका छन ।

त्यस्तै, कार्यक्रमको समापन समारोहमा इन्जिनियर्स एशोसिएसन बागमती प्रदेशका सभापतिले बागमती प्रदेशले हालसम्म १७ वटा स्वाब कलेक्सन बुथ, रोबोट लगायतको इन्नोभेसनहरु सम्पन्न गरेको जानकारी दिनुभएको छ । छिट्टै नै.ई.ए बागमती इन्नोभेसन फ्न्ड अन्तर्गत चारवटा बिधामा इन्नोभेसनको लागि प्रस्ताब आवहान समेत गर्ने तयारी रहेको बताउनुभएको छ ।

एनसेट नेपालका कार्यकारी निर्देशक सुर्य नारायण श्रेष्ठले यस्ता किसिमका सहकार्य गर्न एनसेट नेपाल तयार रहेको र फेरी पनि यस्ता तालिमहरु आयोजना गरिने जानकारी दिनुभएको छ । निर्देशक श्रेष्ठले लक्डाउनको समयलाई समेत यसरी अन्लाइन माध्यमबाट सदुपयोग गर्न सकिने र सिमित श्रोतसाधनले यस्ता तालिमहरु आयोजना गर्न सकिने बारे जिकिर गर्नुभएको छ । यस्ता मोडललाई समेत आङाल्दै भबिस्यमा हाइब्रिड/मिक्सड मोडेलमा तालिमहरु सन्चालन गर्न सकिने समेत स्पस्ट पार्नु भएको छ ।

समापन कार्यक्रमका प्रमुख अतिथी प्रा. डा. त्रिरत्न बज्रचार्यले ने.ई.ए. का प्रदेश समितीहरुको गतिविधीको प्रशम्शा गर्दै यस्ता श्रीजनात्माक कार्यक्रमहरु आयोजना गरिराख्न शुभकामना दिनुभएको छ । लकडाउनको समयको सदुपयोग गर्दै एशोसिएसनले समुदायमा कोभिड-१९ बिरुद्ध बिभिन्न किसिम्का अभियानहरु चलाइरहेको  र सङ्ग-सङ्गै नेपाल इन्जिनियरिङ्ग ट्रेनिङ एशोसिएसन तथा रिसर्च एकेडेमी (नेत्र) को स्थापनाको लागि लागिपरेको समेत जानकारी दिनुभएको छ । कार्यक्रममा एशोसिएसनका महासचिब छबीराज पोख्रेलले सम्पूर्ण प्रशिक्षार्थीलाई बधाई दिदै आगामी दिनमा अफुले सिकेको सिपलाई उपयुक्त तरिकाले प्रयोगमा ल्याउन शुभकामना दिनुभएको छ ।

समापन समारोह कार्यक्रमको अधक्ष्यता ई. अर्जुन पौडेलले गर्नु भएको थियो भने प्रशिक्षण तालिम अवधीभर र समापन शत्रमा समेत कार्यक्रम सन्चालन ई. शरद पन्डितले गर्नु भएको थियो । यस्ता किसिमका तालिमले इन्जिनियरहरुको क्षमता अभीवृद्धि गर्नेमा आफुहरु विश्वश्त रहेको ई. पौडेलले जिकिर गर्नु भएको छ । त्यस्तै, कार्यक्रम सन्चालक ई. पन्डितले तालिम अवधीभर प्रशिक्षार्थीहरुको उपस्थिती, सहभागीता र प्रस्तुतीका आधारमा प्रमाणपत्र उपलब्ध गराउने र यस्ता किसिमका तालिमहरु आगामी दिनहरुमा समेत आयोजना गरिने जानकारी दिनुभएको छ ।

[फोटो ग्यालरी]

 

Comments are closed, but trackbacks and pingbacks are open.