भोटेकोसी, सिन्धुपाल्चोक – भोटेकोसी गाउँपालिकाको विभिन्न तीन स्थानमा गएको पहिरोका कारण अरनिको राजमार्ग पूर्णरुपमा बन्द भएको छ।
इलाका प्रहरी कार्यालय कोदारीका प्रहरी निरीक्षक जगतबहादुर राईका अनुसार, भोटेकोसी–२ को कोदारी, वडा नं ३ लार्चा र वडा नं २ कै कोप्लाङमा पहिरो खसेको हो। अहिले पहिरो पन्छाउने काम जारी रहे पनि सडक आवागमन ठप्प भएको छ।
सडक अवरुद्ध हुँदा तातोपानी नाका हुँदै सञ्चालन हुने कन्टेनर ढुवानी समेत रोकिएको प्रहरीले जानकारी दिएको छ।
यता, लगातारको वर्षाका कारण भोटेकोसी–२ स्थित लिपिङ बजारमा गएको पहिरोले तीन घरमा क्षति पुर्याएको छ। प्रमुख जिल्ला अधिकारी किरण थापाका अनुसार, स्थानीय पदम श्रेष्ठ, फूलमाया तामाङ र सुनिता श्रेष्ठको घरमा क्षति पुगेको छ।
Your email address will not be published. Required fields are marked *
